हुवासिन सिमेन्ट र सिनो हाइड्रोमा २६ जनालाई रोजगारीको अवसर, इन्जिनियरिङ र व्यवस्थापनमा माग

काठमाडौं। हुवासिन सिमेन्ट नारायणी र सिनो हाइड्रो सगरमाथा पावर कम्पनीमा २६ जनालाई रोजगारीको अवसर आएको छ। चिनियाँ लगानी रहेका दुवै आयोजना मध्ये हुवासिन सिमेन्टमा १४ जना र सिनो हाइड्रोमा १२ जनालाई रोजगारीको अवसर आएको हो।

हुवासिन इलेक्ट्रिसियन देखि मेकानिकल सम्म गरि विभिन्न ११ वटा पदमा कर्मचारी मागिएको छ। सिनो हाइड्रोमा भने प्रबन्ध निर्देशकदेखि अपरेटर सम्म गरि ९ वटा पदमा कर्मचारी मागिएको छ।

हुवासिन सिमेन्ट धादिङमा निर्माण भइ सञ्चालनको तयारीमा रहेको छ। सिनो हाइड्रोले प्रवर्द्धन गरेको ५० मेगावाट क्षमताको माथिल्लो मर्सायङ्दी ए जलविद्युत आयोजना भने लमजुङमा सञ्चालनमा छ।

दुवै कम्पनीले ७ दिन भित्र आवेदन दिन आग्रह गरेका छन्।