रुस्लान एफएम ९५.२ फेरि आयो स्रोतामाझ, ‘पहिलेभन्दा व्यवस्थित तरिकाले सञ्चालन हुने’ 

काठमाडौं। रुस्लान एफएम ९५.२ मेगाहर्ज पुनः सञ्चालनमा आएको छ। गीतलाई मात्र प्राथमिकता दिने एफएम निकै रुचाइएको रेडियोमा पर्छ।

नयाँ-पुराना नेपाली गीत बजाउने एफफममा अब हिन्दी र अंग्रेजी गीत पनि सुन्न सकिने जावलाखेल ग्रुप अफ इन्डष्ट्रिजद्वारा जारी विज्ञप्तिमा उल्लेख छ।

'पहिलाभन्दा भव्य तरिकाले सञ्चालन हुने र हाम्रा स्रोताहरुको मनमा फेरि बस्ने सोचसहित हामी अघि बढेका छौं,' एफएमका प्रमुख बजार अधिकृत वैभव शर्माले भने। 

दिनहुँ बिहान ६ देखि राति १२ बजेसम्म प्रसारण हुने रुस्लान एफएममा बिहान ६ देखि ८ बजे 'वर्क आउट बीट्स,' ८ देखि ११ बजे 'रस आवर बीट्स,' ११ देखि ४ बजेसम्म 'चिल्ली बीट्स,' ४ देखि साँझ ७ बजेसम्म 'इन-ट्रेन्ड' र साँझ ७ देखि राति १२ बजेसम्म 'भाइब्रेन्ट बीट्स' गरी ५ फरक फरक प्रकारका कार्यक्रममा स्रोताले बिभिन्न प्रकारका गीत सुन्न सक्नेछन्।