भेस्पा र अप्रिला स्कुटरको मूल्यमा साढे ७ हजारसम्म वृद्धि, अरु भेरियन्टमा ६ हजार महँगियो

काठमाडौं। भेस्पा ब्रान्डको स्कुटरको नेपालका लागि आधिकारिक बिक्रेता दुगर्स ब्रदर्स एन्ड सन्सले भेस्पा र अप्रिला स्कुटरको मूल्यमा साढे सात हजार रुपैयाँसम्म बढाएको छ। 

कम्पनीले मंगलबार सवारी तथा ढुवानीका साधन आयातकर्ता कम्पनीको अधिकतम मूल्यसूची निकालेको थियो। प्रकाशित उक्त मूल्यसूची अनुसार एउटै स्कुटरको मूल्यमा ७ हजार ५ सय रुपैयाँसम्म बढेको छ।

कम्पनीको सबै भन्दा माथिल्यो भेस्पाको स्कुटर एलिगेन्टे १५० सीसीको मूल्य ७ हजार ५२० रुपैयाँले बढाएको छ। यसअघि ४ लाख २५ हजार ९४६ रुपैयाँमा बिक्री भइरहेको थियो। अब ४ लाख ३३ हजार ४६६ रुपैयाँ भएको छ। कम्पनीका दुई पांग्रे अरु सवारीमा सबैभन्दा कम ६ हजार रुपैयाँसम्म मूल्य बढेको छ। 

यसैगरी कम्पनीले अप्रिलाको टप भेरियन्ट अप्रिला एसएक्सआर १६० सीसी  मोडलको ७ हजार ५ सय रुपैयाँले बढाएको छ। यसको मूल्य यसभन्दा अघि ४ लाख ४६ हजार ९०० रुपैयाँ रहेकोमा अबदेखि ४ लाख ५४ हजार ४०० रुपैयाँमा बिक्री हुनेछ। यस्तै सबै भन्दा  कम मूल्य पर्ने अप्रिला स्ट्रोम १२५ सीसी ६ हजार रुपैयाँले बढाएर २ लाख ७१ हजार ९०० रुपैयाँ पुर्‍याएको छ। यसको यसभन्दा अघिको मूल्य २ लाख ६५ हजार ९०० रुपैयाँमा बिक्री भइरहेको थियो।

कम्पनीको सबै भेरियन्टमा ६ हजार रुपैयाँले मूल्य बढेको हो।