रेनल्ट पनि इलेक्ट्रिक गाडी ल्याउँदै, ‘रेनो फोर’ को कन्सेप्ट पेरिस मोटर शोमा सार्वजनिक

काठमाडौं। सवारी निर्माता रेनल्टले पनि इलेक्ट्रिक मोडलहरु उत्पादन गर्ने भएको छ। रेनल्टको रेट्रो स्टाइलको 'रेनो फोर' कन्सेप्ट पेरिस मोटर शोमा डेब्यु गरिएको छ।

यो इलेक्ट्रिक एसयूभी २०२५ मा विश्वव्यापी रूपमा लन्च हुने कम्पनीले जनाएको छ। कम्पनीले ल्याउन लागेको उक्त इभी विद्युतीय संस्करणको लाइनअपमा आधारित छ। कम्पनीले २०२५ सम्म रेनोले ५ वटा इलेक्ट्रिक ह्याचब्याक ल्याउने तयारी गरेको जनाएको छ। यो रेनोको फोर कन्सेप्ट सीएमएफ-बीइभी वास्तुकला प्रयोग गर्ने दोस्रो कार हुनेछ।

यस्तै उत्तरी फ्रान्समा रेनोको नयाँ इलेक्ट्रिसिटी उत्पादन केन्द्रमा उक्त अगामी दिनमा सार्वजनिक हुने ५ वटा कार एकैचोटि निर्माण गरिनेछ।

रेनल्टले नयाँ रेनो फोर आफ्नो सेग्मेन्टमा सबैभन्दा बहुमुखी कार हुने बताएको छ। यसको लम्बाई ४०६० एमएम र २५७० एमएमको ह्वीलबेस रहेको छ। यो अवधारणा क्याप्चर भन्दा थोरै सानो छ तर विदेशमा बेचेको क्लियो मोडलभन्दा ठूलो छ।

किनभने यसमा अगाडि इन्जिन छैन र केबिनमा कुनै प्रसारण लाइनहरु समावेश गरिएका छैनन्।त्यसैले यो अलि ठूलो छ। रेनोले रेनो फोरको भित्री भागको बारेमा भने केही देखाएको छैन। तर कम्पनीले अर्को वर्ष खुलासा गर्ने संकेत गरेको छ।

यसमा ४२ किलोवाट क्षमताको निकेल-कोबाल्ट-म्यांगनीज ब्याट्री प्याक छ।उक्त ब्याट्रीले एक पटकको फुल चार्जमा लगभग ४०२ किलोमिटरको दायरा दिने अपेक्षा गरिएको छ। पावर अगाडिको एक्सलमा रहेको सिंक्रोनस मोटरमा पठाइनेछ। यसले थप शक्तिशाली भेरियन्ट वा फोर-ह्वील ड्राइभ पनि पाउने सम्भावना छ।