सुनचाँदीको मूल्यमा सामान्य गिरावट, सोमबार सुन प्रतितोला ९७ हजार २ सय रुपैयाँ कायम

काठमाडौं। गत सातादेखि क्रमिक उकालो लागेको सुनको मूल्यमा  ब्रेक लागेको छ। आइतबारको तुलनामा सुन तोलामा एक सय रुपैयाँ घटेको छ। 

सोमबार सुनको बजार मूल्य प्रतितोला ९७  हजार २ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ। साताको पहिलो दिन आइतबार सुन तोलामा ६ सय रुपैयाँले बढेर प्रतितोला ९७ हजार ३ सय रुपैयाँमा कारोबार भएको थियो।

चाँदीको मूल्य सोमबार प्रतितोला १२ सय ९५ रुपैयाँ छ। आइतबार चाँदी ५ रुपैयाँले बढेर प्रतितोला १३ सय रुपैयाँ कायम थियो।

अन्तर्राष्ट्रिय बजारमा सोमबार सुन प्रतिऔंस १७५९.४५  डलर छ भने चाँदी प्रतिऔंस २१.३२ डलरमा कारोबार भइरहेको छ। सुन आइतबार १७७०.७८ डलर र चाँदी प्रतिऔंस २१.७१ डलर  थियो।