ग्लोबल आइएमई बैंकको सेयर मूल्य समायोजन, २४४.०८ रुपैयाँबाट खुल्दैछ बुधबारको कारोबार

काठमाडौं। नेपाल स्टक एक्सचेन्ज(नेप्से)ले ग्लोबल आइएमई बैंकको सेयर मूल्य समायोजन गरेको छ।

प्रस्तावित ३ प्रतिशत बोनस सेयरका आधारमा बैंकको सेयर समायोजन भएको हो।

समायोजनपछि सेयर मूल्य २४४.०८ रुपैयाँ पुगेको छ। बुधबार कम्पनीको सेयर कारोबार सोही मूल्यबाट सुरु हुनेछ।

नेप्सेले अन्तिम कारोबार मूल्य २५१.४० रुपैयाँका आधारमा मूल्य समायोजन गरेको हो।

कम्पनीको आज बुक क्लोज हुँदैछ। साधारण सभा मंसिर २३ गतेका लागि निर्धारण भएको छ। जसअनुसार मंगलबारसम्म कायम सेयरधनीहरुले मात्र प्रस्तावित लाभांश र सभामा भाग लिन पाउनेछन्।

बैंकले गत आर्थिक वर्षका लागि १३.६० प्रतिशत लाभांश बाँड्ने घोषणा गरेको छ। जसमध्ये ३ प्रतिशत मात्र बोनस सेयर हो। बाँकी बैंकले नगद दिँदैछ। ग्लोबलले बैंक अफ काठमाडौंलाई समान हैसियतमा गाभ्दै पनि छ।