बाराहीको सेयर सर्वसाधारणलाई मंसिर २१ बाट, आयोजना प्रभावितलाई छुट्याइएको सबै सेयर बिक्री भएन

काठमाडौं। बाराही हाइड्रोपावर पब्लिक लिमिटेडले सर्वसाधारणका लागि सेयर जारी गर्ने भएको छ। आयोजना प्रभावितलाई छुट्याए पनि बिक्री नभएको १ लाख ४ हजार कित्तासहित ५ लाख ५४ हजार कित्ता सेयर बिक्रीमा ल्याउने भएको हो।

यसमध्ये २७ हजार ७०० सामूहिक लगानी कोष र ११ हजार ८० कित्ता कर्मचारीलाई छुट्याइएको छ। सर्वसाधारणको भागमा ५ लाख १५ हजार २२९ कित्ता सेयर छुट्याएको छ। 

कम्पनीले मंसिर २१ देखि मंसिर २६ गतेसम्म सेयर जारी गर्ने भएको छ।

कम्पनीको सेयरमा कम्तिमा १० र अधिकतम १० हजार कित्तासम्मका लागि आवेदन दिन पाइने छ। 

आयोजनाको प्रति मेगावाट लागत २० करोड ८१ लाख रुपैयाँ अनुमान गरिएको छ।