काठमाडौं। कात्तिक महिनाको पहिलो दिन सुनको मूल्य सामान्य बढोत्तरी भएको छ। सोमबारका तुलनामा मंगलबार सुन तोलामा १०० रुपैयाँले बढेको हो।

नेपाल सुनचाँदी व्यवसायी महासंघका अनुसार मंगलबारका लागि सुनको कारोबार मूल्य प्रतितोला ९३ हजार ४०० रुपैयाँ निर्धारण भएको छ। सोमबार तोलाको ९३ हजार ३०० रुपैयाँमा खरिद-बिक्री भएको थियो।

सुनसँगै चाँदी तोलामा २० रुपैयाँले बढेको छ। मंगलबार चाँदी तोलाको ११ सय ८० रुपैयाँ छ। सोमबार प्रतितोला ११ सय ६० रुपैयाँमा कारोबार भएको थियो।

अन्तर्राष्ट्रीय बजारमा सुन प्रतिऔंस १६५८.४२ डलर छ भने चाँदी १८.८४ डलरमा कारोबार भइरहेको छ। सोमबार सुन प्रतिऔंस १६५३.०५ डलर थियो भने चाँदी १८.५२ डलर थियो।