काठमाडौं। स्ट्याण्डर्ड चार्टर्ड बैंकले तीन वर्षयता कै धेरै लाभांश प्रस्ताव गरेको छ। बैंकले गत आर्थिक वर्षका लागि १६.५१ प्रतिशत लाभांश दिने घोषणा गरेको हो।

बैंकको सञ्चालक समितिले गत आर्थिक वर्षको नाफाबाट हाल कायम चुक्ता पुँजीको साढे १६ प्रतिशत नगद दिने निर्णय गरेको छ।

हाल बैंकको चुक्ता पुँजी ९ अर्ब ४२ करोड रुपैयाँ छ। प्रस्तावित लाभांश बैंकको आगामी साधारण सभा र राष्ट्र बैंकबाट प्रस्ताव भएपछि मात्र सेयरधनीले पाउनेछन्।

पोहोर बैंकले १३ प्रतिशत लाभांश दिएको थियो। जसमध्ये १० प्रतिशत बैंकले बोनस प्रस्ताव गरेको थियो।