काठमाडौं। अमेरिकन कार निर्माता मोकले नयाँ इलेक्ट्रिक कारहरू निर्माण तथा डिजाइन गर्न क्यालुमसँग साझेदारी गरेको छ।

इभी टेक्नोलोजी ग्रुप (इभीटिजी) ले डिजाइनर इयान क्यालमको नेतृत्वमा रहेको कन्सल्टेन्सी संगठन क्यालुमसँग भविष्यका प्रिमियम इलेक्ट्रिक कारहरू डिजाइन गर्न सम्झौता गरेको हो।

डिजाइन र इन्जिनियरिङ कम्पनी क्यालुम बेसपोक उत्पादनहरुको एक मूख्य कम्पनी हो। यसले यसको अस्टन मार्टिन भ्यानक्वीस मनोरञ्जनका साथै प्रोड्राइभ हन्टर र्‍याली कारका लागि परिचित छ।

इभीटीजीले भर्खरै नयाँ विद्युतीकृत मिनी मोकको निर्माता मराजी, फन्टुजी, स्ट्यामपागी इन्डुस्ट्रियल र मोक इन्टरनेशनललाई अधिग्रहण गरेको छ।

साथै इभी टेक्नोलोजी ग्रुपले थप प्रतिष्ठित ब्रान्डहरूसँग पनि थप विस्तार गर्ने योजना बनाएको छ।

मिनी मोकले एक पटकको फुल चार्जमा १२० किलोमिटरको रेन्ज प्रदान गर्छ। यसमा भएको ३३ किलोवाटको लिथिएम आयोन ब्याट्रीलाई चार्ज गर्न ४ घन्टाको समय लाग्छ। यसको टप स्पिड ८० किलोमिटर प्रतिघन्टा रहेको छ।