काठमाडौं। माउन्टेन इनर्जी नेपालले पहिलो पटक लाभांश घोषणा गरेको छ। कम्पनीले गत आर्थिक वर्षका लागि १०.५३ प्रतिशत लाभांश दिने निर्णय गरेको हो।

प्रस्तावित लाभांश अनुमोदन गर्न कम्पनीले आउँदो पुस ८ गते साभारण सभा डाकेको छ। कम्पनीले नगद दिने जनाएको छ।

करसहित कम्पनीले कायम चुक्ता पुँजीको १०.५३ प्रतिशत नगद लाभांश पारित गर्दैछ।

साधारण सभा र लाभांश प्रयोजनका लागि कम्पनीले मंसिर २७ गते एकदिनका लागि बुक क्लोज गर्ने जनाएको छ।

जसअनुसार मंसिर २६ गतेसम्म कायम सेयरधनीले मात्र प्रस्तावित लाभांश पाउन र सभामा भाग लिन योग्य हुनेछन्।