काठमाडौं। ग्रोथ सेलर्सको भगेनी संस्था कर्पोरेट क्लब प्रालिले आयोजना गरेको द एचआरएम नेपाल अवार्ड फर कर्पोरेट इक्सिलेन्स एण्ड द एचआरएम नेपाल अवार्डस फर डिस्टिङग्वेस्ट सर्भिस २०२१ बाट १९ जना व्यक्ति तथा संस्थाहरु सम्मानित भएका छन्। 

नेपालको निजी क्षेत्रमा उत्कृष्ट कार्य गर्दै मुलकको समग्र आर्थिक तथा सामाजिक विकासमा उल्लेखनीय योगदान गर्ने संस्था तथा व्यक्तिहरुको सम्मान गर्नका लागि कार्यक्रमको आयोजना गरिएको आयोजकले जनाएका छन्। 

यस्ता कार्यक्रमले समाजमा सबैको मनोबल बलियो पार्नुको साथै समाजमा राम्रो काम गर्नका लागि प्रेरित र प्रोत्साहन पनि गर्दछ भन्ने मान्यता आयोजकको छ। 

कार्यक्रमको तयारी पछिल्लो ६ महिनादेखि नै सुरुवात भएको थियो। निर्णायक मण्डलको नेतृत्व काठमाडौं युनिभर्सिटी व्यवस्थापन संकायका पूर्व डिन प्रोफेसर डा. सुवास केसीे र अन्य निर्णायक सदस्यहरुमा पूर्व सचिव पुण्यप्रसाद न्यौपाने, त्रिभुवन विश्वविद्यालयकी प्रा.डा. रिता श्रेष्ठ, सफल पार्टनरका सीइओ आशुतोष तिवारी, पूर्व बैंकर वर्षा श्रेष्ठ र पत्रकार मुकुल हुमागाई छन्।