काठमाडौं। लुम्बिनी जनरल इन्स्योरेन्स कम्पनी लिमिटेडको ९.५ प्रतिशत बोनस सेयर हितग्राही खातामा जम्मा भएको छ।

गत असार २९ गते सम्पन्न वार्षिक साधारणसभाबाट उक्त बोनस सेयर पारित भएको थियो। बोनस सेयर नेपाल स्टक एक्सचेन्जमा सूचीकृत गराएर अभौतिक रुपमा कारोबार हुने व्यवस्था गरिसकेको कम्पनीले जनाएको छ।

गत असार १४ गतेसम्म सेयर अभौतिकीकरण गराएका कम्पनीका सेयरधनीहरुको बोनस सेयर सम्बन्धित हितग्राही खातामा जम्मा भएको हो।

साथै, सो मितिपछि सेयर अभौतिकीकरण गराएका सेयरधनीहरुको हकमा भने उक्त बोनस सेयर जम्मा हुने कम्पनीले जनाएको छ।

कम्पनीका अनुसार  हालसम्म सेयर अभौतिकरण नगरेका सेयरधनीहरुले आफ्नो सेयर अभौतिकीकरण गराइ बोनस सेयर हितग्राही खातामा नै प्राप्त गर्न सक्ने भएका छन्।