काठमाडौं। इसेवाले मनकामना केबलकारको टिकट काट्दा हिराको हारलगायत थुप्रै पुरस्कार जित्न सकिने योजना ल्याएको छ। योजनाअन्तर्गत मनकामना केबलकारको टिकट काट्दा एकजनाले हिराको हार, एकजनाले आइफोन १३, एकजनाले स्मार्ट टिभी र एकजनाले वासिङ मेसिन जित्न सक्ने इसेवाले जनाएको छ। 

साउन ३१ गतेसम्म संचालन हुने यस योजनामा विजेता चारजनाले आफूले रोजेको पुरस्कार पाउन सक्ने बताइएको छ। 

बिजेताहरु गोलाप्रथा मार्फत चयन गरिने र योजनामा इसेवा मार्फत मनकामना केबलकारको टिकट खरिद गर्ने व्यक्ति सहभागी हुने इसेवाले जनाएको छ।

योजनामा सहभागी हुन इसेवामा भेरिफाइड (प्रमाणित ) भएको हुनुपर्ने शर्त कम्पनीको छ। अनलाइनमार्फत कारोबारमा प्रोत्साहन गर्नका लागि इसेवाले विभिन्न समयमा यस किसिमका कार्यक्रम सार्वजनिक गर्दै आएको छ।