काठमाडौं। एसोसिएसन अफ युरोपियन बिजनेस (एइबी) का अनुसार अगस्टमा रूसमा नयाँ कारको बिक्री गत वर्षको तुलनामा ६२.४ प्रतिशतले घटेको छ।

जुन जुलाईमा ७४.९ प्रतिशतले घटेको थियो। अटो कम्पनीहरुले अगष्टमा कुल ४१ हजार ६९८ नयाँ कारहरू बेचेका छन्। अगस्ट २०२१ मा एक लाख १० हजार नयाँ कार बिक्री भएको थियो।

रसियाको अटो उद्योग विदेशी लगानी, आपूर्ति चेन र पार्टपुर्जाहरूमा धेरै निर्भर छ। यतिबेला रुसको अटो बजार फेब्रुअरीको अन्त्यमा युक्रेनमा गरेको आक्रमणको प्रतिक्रियामा रूसमाथि लगाइएको पश्चिमी प्रतिबन्धहरूबाट प्रभावित भएको छ।

धेरै गाडी उत्पादन प्लान्टहरूले उत्पादन निलम्बन गरेका छन्। उच्च प्रविधिका उपकरण तथा चिपको अभाव र पश्चिमी उत्पादकहरूले रुसबाट बाहिरिने निर्णय गरेका कारण कामदारहरूलाई छुट्टि दिएका छन्।