काठमाडौं। डुकाटीले प्रिमियम बाइक 'मल्टीस्ट्राडा भीफोर पाइक्स पिक' मोडल सार्वजनिक गरेको छ। डुकाटीले आफ्नो 'फ्ल्यागशिप एडभेन्चर टुरर'को रूपमा यस प्रिमियम स्पोर्टी बाइकलाई बजारमा ल्याएको हो।

'मल्टीस्ट्राडा भी-फोर पाइक्स पिकमा पनि पहिलेकै मोडलमा रहेको कम्पोनेन्टहरु उपलब्ध छन्। यसमा कुनै परिवर्तन गरिएको छैन। यसमा लिक्विड-कूल्ड ११५८ सीसी क्षमताको इन्जिन छ।

यसैगरी यसमा रहेको इन्जिनले १७० हर्सपावरको क्षमतासहित १२५ एनएम टर्क उत्पादन गर्दछ। साथै यसमा ६-स्पीड गियरबक्स छ।

एल्युमिनियम मोनोकोक फ्रेम र ब्रेकिङ हार्डवेयरको सिस्टम पनि पहिलेको मोडलमा जस्तै छ। यसमा सिटको उचाइ ८१०-८६० एमएमको बीचमा छ।

यसमा नियमित मल्टिस्ट्राडा भीफोरमा पाइने २२-लिटरको इन्धन ट्यांकी पनि छ। यसको मूल्य भारतमा ३१ लाख ४८ हजार भारु तोकिएको छ।