काठमाडौं। नेपाल स्टक एक्सचेन्ज (नेप्से) ले नयाँ वेबसाइट संचालनमा ल्याउने भएको छ। कात्तिक २७ गतेबाट नेप्सेले नयाँ वेबसाइट संचालनमा ल्याउने भएको हो।

जसका लागि नेप्सेले हालसम्म नट्सको लगइन आइडी र युजर आइडी नलिएका सूचीकृत कम्पनीहरुलाई सो आइडीहरु लिन आग्रह गरेको छ। नेप्सेले नयाँ वेबसाइट संचालनमा ल्याउने भएकाले २५ गतेभित्र नट्सको लगइन आइडी र युजर आइडी लिन भनेको छ।

सूचीकृत कम्पनीहरुको सूचना तथा विवरणहरु नयाँ वेबसाइटबाट मात्रै सार्वजनिक हुनाले नेप्सेको नट्सको लगइन र यूजर आइडी अनिवार्य गरेको नेप्सेले जनाएको छ।

साथै कात्तिक २७ गतेबाट नेप्सेको नयाँ वेबसाइट पूर्ण रुपमा संचालनमा आएपछि पुरानो वेबसाइट अन्तर्गतका सम्पूर्ण लगइन आइडी र यूजर आइडी खारेज हुने नेप्सेकाम कामु सहायक प्रबन्धक भेषराज खनालले जानकारी दिए।