काठमाडौं। लगातार बढेको सुनचाँदीको मूल्यमा सोमबार सामान्य गिरावट छ। सुन तोलामा ३ सय र चाँदी १० रुपैयाँ घटेको छ।

सुनको कारोबार मूल्य तोलाको १ लाख २ सय रुपैयाँ कायम भएको नेपाल सुनचाँदी व्यवसायी महासंघले जनाएको छ।

साताको पहिलो दिन आइतबार प्रतितोला १ लाख ५ सय रुपैयाँमा कारोबार भएको थियो। क्रमिक बढेको सुनको मूल्य गत शुक्रबारदेखि तोलाको एक लाखभन्दा माथि पुगेको हो।

सुनसँगै महँगिएको चाँदीको मूल्य सोमबार प्रतितोला १३ सय ९० रुपैयाँ छ। अघिल्लो दिनका तुलनामा यो तोलामा १० रुपैयाँ मात्रै घटेको हो। आइतबार कारोबार मूल्य प्रतितोला १४ सय रुपैयाँ थियो।

अन्तर्राष्ट्रिय बजारमा आइतबार प्रतिऔंस १७९७.३५ डलरमा कारोबार भएको सुन सोमबार १७८७.४४ भएको छ। चाँदी पनि २३.४८ डलरबाट घटेर प्रतिऔंस २३.२९ भएको छ।

६ महिनापछि लगातार उच्च भएको सुनचाँदीको मूल्य अन्तर्राष्ट्रिय बजारमा तत्काल घट्ने संकेत छैन।