काठमाडौं। टीसीएलले नेपालमा गुगल टीभी भित्र्याएको छ। टीसीएल ब्राण्डको आधिकारिक बिक्रेता चौधरी ग्रुपको सीजी इलेक्ट्रोनिक्स अन्तर्गत सीजी इओएलले ओम्दियाबाट प्रमाणित विश्वको नम्बर १ एन्ड्रोइड टीभी ब्राण्ड नेपाल ल्याएको हो।

गूगल टीभी भनेको प्रयोगकर्तालाई सहज र सरल तरिकाले टीभी चलाउन मद्दत गर्ने अत्याधुनिक युजर इन्टरफेस/ओएस भएको कम्पनीले जनाएको छ। यसमा प्रयोगकर्ताहरूले आफूलाई मनपर्ने सामग्री सहज तरिकाले एपहरूमा नगएरै होम स्क्रिनबाट नै सेलेक्ट गरेर हेर्न सक्ने बताइएको छ। 

गुगल टीभीको प्रारम्भिक सेटअपपछि प्रयोगकर्ताहरुले गुगल टीभीको होम स्क्रिन देख्न सक्छन्। होम स्क्रिनमा विभिन्न एप, चलचित्र र टीभी कार्यक्रमहरूको स्लाइडहरु हुने कम्पनीले जनाएको छ। यी स्लाइहरु प्राथमिकताको आधारमा देखाइन्छ। टीसीएल गुगल टीभी परम्परागत स्मार्ट टीभीहरू भन्दा एक कदम अगाडि रहेको दाबी कम्पनीको छ। यसमा गुगल प्ले स्टोरका साथै प्यारेन्टल कन्ट्रोल, स्मुथनेस र परिस्कृत युजर इन्टरफेरेन्स रहेको बताइएको छ। 

जसका कारण प्रयोगकर्ताले टीभी चलाउदा निकै सहज र सजिलो महसुस गर्ने कम्पनीको भनाइ छ। यसबाहेक गुगल टीभीले टेलिभिजन अनुभव सुधार्न क्रोमकास्ट र बिल्टइन गुगल असिस्टेन्टमा पहुँच प्रदान गर्छ। 

हालै टीसीएलले पी७३५ फोर के एचडीआर गुगल टीभी विथ क्यामरा (७५ इन्च), सी७३५ क्यूएलइडी फोरके गुगल टीभी विथ क्यामरा (५५ र ६५ इन्च) र पी६३५ फोरके एचडीआर गुगल टीभी (४३, ५०, ५५, ६५ इन्च) गरी तीन प्रकारका गुगल टीभी नेपाली बजारमा ल्याएको जनाएको छ। 

कम्पनीका सिजी डिजिटल शोरुमहरु काठमाडौं उपत्यकामा टंगाल, कुमारीपाटी, बसुन्धरा, जोरपाटी, भक्तपुर राधे राधे, रविभवन, कीर्तिपुर, हात्तिगौंडा, त्रिपुरेश्वर, नयाँ बजार र काठमाडौं बाहिर इटहरी, हेटौंडा, भरतपुरमा संचालित छन्।