काठमाडौं। गुराँस लघुवित्तको लाभांश दर ह्‍वात्तै घटेको छ। पोहोर १७.८० प्रतिशत लाभांश बाँडेको लघुवित्तले गत आर्थिक वर्षका लागि ४.२१ प्रतिशत मात्र प्रस्ताव गरेको छ।

सञ्चालक समितिले ४ प्रतिशत बोनस दिने प्रस्ताव गरेको छ। बाँकी कर प्रयोजनका लागि हो। लाभांश कायम चुक्ता पुँजीमा प्रस्ताव गरिएको हो।

हाल लघुवित्तको चुक्ता पुँजी ९ करोड ७५ लाख रुपैयाँ छ। बोनस वितरणपछि चुक्ता पुँजी १० करोड ११ लाख रुपैयाँ पुग्नेछ।

प्रस्तावित लाभांश राष्ट्र बैंक र कम्पनीको आगामी साधारण सभाबाट पारित भएपछि सेयरधनीले पाउनेछन्।

धनकुटामा केन्द्रीय कार्यालय रहेको यो लघुवित्तको पूर्वका १२ जिल्लामा कारोबार सञ्जाल छ।