काठमाडौं। राष्ट्रिय वाणिज्य बैंक सातै प्रदेशको ७७ वटै जिल्ला सदरमुकाममा पुगेको छ।

सर्लाहीको मलंगवा नगरपालिका ९ मा नयाँ शाखा खोलेपछि सबै सदरमूकाममा राष्ट्रिय बाणिज्य बैंक पुगेको हो। 

सरकारको स्वामित्व रहेको राष्ट्रिय वाणिज्य बैंकले गत आर्थिक बर्ष  ५ अर्ब २१ करोड खुद मुनाफा आर्जन गरेको थियो।

बैंकको ग्राहक निक्षेप २ खर्ब ५९ अर्ब र  खुद कर्जा तथा सापट २ खर्ब २९ अर्ब रुपैयाँ पुगेको छ। बैंकको शेयरधनी कोषमा ३३ अर्ब ४८ करोड र कुल सम्पत्ति ३ खर्ब २९ अर्ब रुपैयाँ पुगेको छ।

बैंकको देशभर २६४ वटा शाखा कार्यालय, २६८ वटा एटिएम र ९९ वटा शाखा रहित बैंकिङ्ग सेवा रहेको छ।