काठमाडौं। एनएमबि बैंकले गत आर्थिक वर्षका लागि लाभांश प्रस्ताव गरेको छ। बैंकले कुल ८.२५ प्रतिशत लाभांश प्रस्ताव गरेको हो।

सञ्चालक समितिले नगद दिने योजना अघि सारेको छ। प्रस्तावित लाभांश मध्ये सम्पूर्ण नगद हो। कायम चुक्ता पुँजीमा लाभांश प्रस्ताव गरिएको छ।

हाल बैंकको चुक्ता पुँजी १८ अर्ब ३६ करोड ६७ लाख रुपैयाँ। यसको ८.२५ प्रतिशत नगद दिने बैंकले जनाएको हो।

प्रस्तावित लाभांश राष्ट्र बैंक र वार्षिक साधारण सभाले पारित गरेपछि सेयरधनीले पाउनेछन्।