काठमाडौं। नेपालको मौलिक लोक संगीतमा आधारित रियालिटी शो ‘आइएमई नेपाल लोकस्टार’ को दोस्रो सिजनको लागि पावर बाई स्पोन्सरका रूपमा जगदम्बा सुपर साइन जस्तापाता अनुबन्ध भएको छ।

जगदम्बा स्टील्सका महाप्रबन्धक मनोज तिवारी र हिमालय टेलिभिजनका अध्यक्ष, धर्मराज भुसालका बीच काठमाडौंस्थित र्‍याडिसन होटलमा बिहीबार सम्झौता हस्ताक्षर भएको हो। 

लोकस्टारको डिजिटल अडिसन हालै सम्पन्न भएको छ, जहाँ हजारौं प्रतिभाहरुले लोकस्टार सिजन-२ को उपाधि जित्ने आकांक्षासहित आवेदन गरेका छन्। यी आवेदनमध्येबाट छानिएका प्रतिभासँगै देशका बिभिन्न स्थानमा हुने फिजिकल अडिसनबाट पनि प्रतिभाहरुको छनोट गरिने छ।

केही दिनमै नयाँ सिजनको सुटिङ प्रारम्भ हुने र साउन महिनाको अन्त्यदेखि हरेक मंगलबार र बुधबार राति ८ बजे कार्यक्रम प्रसारण हुने बताइएको छ।