काठमाडौं। खाद्य व्यवस्था तथा व्यापार कम्पनीले सुपथ पसलमा बिक्री गर्ने खसीबोकाको मुल्य अर्को साता मात्रै तय  गर्ने भएको छ। कम्पनीले हरेक वर्ष घटस्थापनाको भोलिपल्टदेखि सुपथ मूल्यमा करिब २ हजार भन्दा बढी खसीबोका बिक्री गर्दै आएको छ।

यो पटक कम्पनीले घटस्थापनाको एक साता अघिमात्र मूल्य तोक्न लागेको हो।  

खसीबोकाको खरिद र बिक्री मूल्य असोज ५ गते पछिमात्र तोकिने कम्पनीका नायब महाप्रबन्धक श्रीमणीराज खनालले बताए। 'यति बेला सबै जिल्लामा खसीबोका बुझ्ने काम भइरहेको छ, '  उनले भने। 

उनले चाँडै मूल्य तोक्दा निजी क्षेत्रले पनि खेल्ने अवसर पाउने भएकाले एक सातापछि  तोक्न लागिएको बताए।अघिल्लो वर्ष प्रतिकेजी ५ सय ५० रुपैयाँमा खसीबोका बिक्री गरेको थियो।