काठमाडौं। हालै आइपीओ बिक्री गरी दोस्रो बजारमा सूचीकृत जाल्पा सामुदायिक लघुवित्तले सेयरधनीलाई प्रथम लाभांश घोषणा गरेको छ।

लघुवित्तले गत आर्थिक वर्षको नाफाबाट ७७ प्रतिशत लाभांश दिने निर्णय गरेको हो।

शनिबार बसेको कम्पनीको सञ्चालक समितिको बैठकले कायम चुक्ता पुँजीको ७३ प्रतिशत बोनस सेयर दिने प्रस्ताव गरेको हो। बाँकी ३.८ प्रतिशत करका लागि नगद दिँदै छ।

लघुवित्तको चुक्ता पुँजी अहिले १६ करोड रुपैयाँ छ। यसमा प्रस्तावित ७३ प्रतिशत बोनस सेयर जोडिएपछि लघुवित्तको चुक्ता पुँजी २७ करोड ६८ लाख रुपैयाँ पुग्नेछ।

प्रस्तावित लाभांश राष्ट्र बैंक र कम्पनीको आगामी साधारण सभाबाट अनुमोदन भएपछि मात्र सेयरधनीले पाउनेछन्।